ترتيب وظائف الإتش أر تصاعدياً ومعني كل وظيفة HR 🤔

ترتيب وظائف الإتش أر تصاعدياً ومعني كل وظيفة HR 🤔
وهي تختلف من مكان لأخر ومن شركة لأخري 🙄

الكلام كتير أوي ممكن يتقال عن موضوعنا النهاردة، لكن خلونا ناخدها خطوة خطوة و نقول أهم الحاجات اللي ممكن تساعدنا في شغلنا كـHR ، خودوا بالكم إننا حنتكلم عن الأنترفيو من ناحيتنا إحنا كـإتش آر O:) إزاي نحضرله و إيه الـBest Practice اللي ممكن نطبقها علشان نطلع بالنتيجة اللي إحنا عاوزينها 😉
.
طيب بالنسبالنا إحنا كـإتش آر، إيه هم أنواع الأنترفيو اللي ممكن نعملهم ؟؟
شوفوا هو في كذا نوع و أسماء مختلفة لنوعية الأنترفيوهات اللي ممكن تتعمل في شغلنا، بس خلينا نختصرهم للتلات أنواع دول: 👇

• الـSelection Interview:
وده النوع اللي كُلنا عارفينه :v سواء اللي شغال في الأتش آر أو لأ، و ده النوع اللي بيتم على أساسه إختيار موظف لوظيفة مطلوبة في الشركة و الأختيار بيتم على أساس إجاباته على الأسئلة المطروحه عليه و خبرته اللي قبل كده 😉

• الـAppraisal Interview:
و ده الأنترفيو اللي بيقيم فيه المدير الموظفين بتوعه على أساس أدائهم و نجاحهم في تنفيذ أهداف الشركة. 👍

• الـExit Interview:
و النوع ده اللي بيتم في حالة إن موظف خلاص سايب الشركة و حيمشي :/ و ده مهم للمديرين عشان يعرفوا إيه اللي غلط أو صح في السيستم بتاعهم و يحاولوا يظبطوه عشان يقلل معدل دوران العمالة في الشركة.
.
طيب هو مبدئياً كده إحنا تركيز كلامنا هيكون على أول حاجة بس الـSelection Interview ، وباقى الطرق هنعرفها في شروحات أخرى فيما بعد ... طيب إيه أنواعه و إيه طُرقهُ و إيه نوعية الأسئلة اللي ممكن تتسأل فيه و طريقتها 👌 (Types Of Composition – Types Of Questions – Types Of Conduction)
.
نبتدي بالـTypes Of Composition و المقصود هنا هي طريقة تنفيذ الـInterview و دي بتكون بطريقتين: 👇

- الـStructured Interview: و زي ما هو واضح من إسمها كده الإنترفيو بيتم بطريقة منظمة و الأسئلة بتتسئل بـSequence مُعين كده، و الأسئلة بتبقى مكتوبة في ورقة 📝 و مبتخرجش عن نص الأسئلة المكتوبة و كُل إجابة إنت بتعملها Rating مُعين على حسب أهمية السؤال و جودة الأجابة. 👉

- الـUnstructured Interview: و ده بيكون إنترفيو بأسئلة مش مرتية ولا منظمة بتكون أقرب لمحادثة شاملة عن الشغل و كل ما تجاوب على سؤال و فيه نقطة شدتك في كلام الموظف بتستفر أكتر و تخليه يوضح أكتر، و النوع ده من الطرق بيتم لو إنت كإتش آر فاهم أوي في الوظيفة اللي مطلوبة عشان تكون لامم بأكتر الحاجات اللي الشركة محتاجها و تبدأ إنت تــStress عليها. 🚩
.
تعالوا ندخُل على الـTypes Of Questions و زي ما هو واضح كده إيه هي نوعية الأسئلة اللي ممكن أسألها للموظف اللي جاي يعمل إنترفيو، شايفك و سامعك ياللي بتقول هي كمان الأسئلة فيها أنواع 👀 آه فيها أربع أنواع كمان 😃 تعالوا نعرفهم مع بعض👇

- الـSituational Questions: و دي مجموعة من الأسئلة و كُل سؤال فيهم بيحكي موقف مُعين و الهدف منه نشوف إجابت اللي جاي يعمل الأنترفيو عشان توضحلنا طريقة تصرفهُ و تعامله مع الموقف.

- الـBehavioral Questions: و دي بنسأل الموظف يحكلنا عن مواقف حصلت معاه في شغله و إزاي تعامل معاها و حلها إزاي.

- الـJob-Related Questions: و دي أسئلة متخصصة في تفاصيل تفاصيل الشغل وبنخلي الموظف يحكلنا كان بيعمل فيه إيه و إيه كانت إستخدماته للوسائل المساعدة ليه في شغله.

- الـStress Questions: و دي أسئلة الضغط و الخروج عن الشعور والإتش آر بيستخدمها كنوع من أنواع الضغط على الموظف عشان يخليه مش مرتاح في الأنترفيو و يشوف رد فعله لما يكون في موقف غير مُريح حيعمل إيه، فممكن الأتش آر يسأل أسئلة مُحرِجة للموظف و ملهاش علاقة بالشغل أصلاً و ممكن يتكلم بطريقة فظة و مش ظريفة لكن أكيد ميتعداش حدود الأدب. 👍
.
تالت حاجة حنتكلم عليها النهاردة هي الـTypes Of Conduction ، و دي معناها بكل بساطة حنفذ الأنترفيو إزاي ! و طبعاً في أكتر من طريقة نقدر بيها ننفذ الأنترفيو، تعالوا نشوف إزاي👇

- الـOne-on-One Interview: و ده بيتم بطريقتين يا إما بتروح تقابل الأتش آر أو المدير أو أي حد صاحب قرار نهائي جوه الشركة في إنك تتعين أو لأ هي مرة و خلاص 😥 يا إما بتروح تعمل Structured Sequential Interview و ده معناه إنك حتقابل كذا حد جوه الشركة بشكل منفرد كل مره و كُل واحد فيهم يعملك إنترفيو بطريقة مختلفة و ممكن كلهم يكونوا ورا بعض في يوم واحد أو على كذا يوم، مفيش قاعدة للموضوع ده 😒
.
- الـPanel Interview: وده بنسميه إنترفيو الشقلبة، يا عيني الموظف بيدخل من هنا شمعه فُلة منورة بيطلع من الناحيه التانية متخرشم 👊 😢
ده يا إخوانا بيكون أكتر من واحد قاعدين يعملوا إنترفيو للموظف منهم الاتش آر و المدير و المشرف و واحد معدي قال يدخل يشرب شاي و يرخم على المسكين اللي جاي ده ، كده يعني 😂
لأ بصوا بجد النوع ده من طريقة تنفيذ الأنترفيو بيكون مثلاً عشان من مهام الوظيفه إنه حيتعامل مع كذا قسم في الشركة بشكل دوري و حيوي فــ المُديرين حيهتموا يعرفوا الموظف و كُل واحد فيهم بيدور على Skill مُعينة فلازم يشوفها موجودة ولا لأ، و أكيد في أسباب تانية ممكن تكون عندك إنت كـإتش آر و عند المُديرين.
.
- الـPhone Interview: و ده تقريباً أول نوع إحنا هنا في مصر أحياناً بنستخدمه 📞 و في الحقيقة هو نوع مهم جداً فعلاً عشان تعمل Filtration بس لازم يكون عندك إنت كـإتش آر قوة ملاحظة و فطنة كده مُعينة عشان تقدر تحكم على البني آدم من خلال التليفون ☎ و الأفضل في النوع ده إنك بس تحدد حاجات جوهرية إنت محتاجها و مش مذكورة في السي في، فتتصل بالمرشح للوظيفة تسأله عنها و تعرف ردهُ و تشوف بقى إذا كنت حتخليه يجي المشوار عشان يعمل الأنترفيو ولا لأ 😒
.
و بكده نكون خلصنا كلامنا عن الإنترفيو و عرفنا إيه أهميته و إزاي ممكن نعملهُ بالـBest Practice اللي بيها نقدر نطلع بأفضل النتائج

قولولنا بقى إيه النوع اللي إنت جربته أو إتعملك انت شخصياً ؟؟! 😊